Natyrë

Plazhi Porto Palermo

Vlerësime 0

Plazhi i vogël Porto Palermo ndodhet buzë rrugës kryesore , pranë Himarës. I shtrirë mes detit dhe legjendës mbetet padyshim një nga destinacionet më atraktive dhe të preferuara për turistët.

Plazhi ka një pamje spektakolare, me guralecë të bardhë, me ujëra të kristalta, dhe në krye një kala 200 vjeçare. Pikërisht kalanë e Porto Palermos ose siç njihet ndryshe kalaja e Ali Pashë Tepelenës. Ai ishte një sundimtar fisnik shqiptar i Perandorisë Osmane, i cili e shndërroi Elajetin e Janinës në pashallëk.

Plazhi është i pazbuluar dhe mbetet një destinacion mjaft tërheqës për të gjithë vizitorët që kërkojnë qetësinë, freskinë, historinë e bukurinë e pamasë që ky plazh ofron.