Plazhi i Filikurit

Plazhi i Filikurit është një gji i vogël, i rrethuar nga shkëmbinj të lartë i cili ndodhet midis plazhit të Potamit dhe Llamanit.

Vendi ynë ka gjire, plazhe, shpella unike dhe të fshehta, tek të cilat mund të bësh pushime dhe te shijosh shoqërinë e detit dhe të natyrës, si për tu larguar nga rutina e pushimeve të gjata.

Një ndjesi të tillë ta jep plazhi i Filikurit, për të gjithë ata pushues që nuk i pëlqen zhurma e plazheve të mbipopulluara.

Në këtë plazh mund të shkohet shumë lehtë me varkë, gjë që e bën akoma më tërheqëse shijimin e detit unik të Rivierës Shqiptare. Vitet e fundit në plazhet e jugut janë vendosur një numër varkash të vogla, të cilat shërbejnë për transport, kundrejt një pagese modeste. Në gjirin e vogël të plazhit të Filikurit, duket sikur mund të bëheni njësh me natyrën, prandaj mos e lini pa e vizituar këtë mrekulli, me një pamje aq mbresëlënëse.