Gjiri i Akuariumit

Gjiri i Akuariumit ndodhet midis plazhit të Livadhit dhe plazhit të Jalit. Emrin e merr nga ngjashmëria që ka me një akuarium të madh, ku një mori e madhe gjallesash nënujore gjejnë strehim. Plazhi paraqitet i vogël dhe me guralecë të bardhë.

Në këtë gji mund të arrihet si nga plazhi i Jalës dhe nga rruga e Livadhit. Kohët e fundit është bërë shumë i njohur edhe nga turistët.

Rreth këtij gjiri të vogël ka edhe shumë plazhe të tjera, për 10-15 persona që parapëlqejnë plazhet e vogla.Këto plazhe janë të virgjëra,  pa shërbime përreth, prandaj turistët duhet të pajisen me gjithçka ju nevojitet para se ti vizitojnë ato.

Për të gjithë amatorët e ecjeve në natyrë, Gjiri i Akuariumit mund të vizitohet edhe nëpërmjet ecjes përgjatë 2 kilometrave rrugë të pashtruar, duke eksploruar  panoramën që ky vend i mahnitshëm ofron, si  kodrinat rreth e qark të cilat prej kohësh janë mjaft të frekuentuara nga turistët.