Kala

Kalaja Porto Palermos. Himarë

Vlerësime 0

Kalaja e Porto Palermos është një monument i trashëgimisë kulturore e ndërtuar në një gadishull me një panoramë mahnitëse midis qytetit të Himarës dhe Qeparoit. Për nga mënyra e ndërtimit është unike në llojin e saj në Shqipëri. Kalaja është një perlë e paçmuar e trashëgimisë shqiptare.

Supozohet që kalaja ka ekzistuar shumë më parë Ali Pash Tepelena e rindërtoi atë në shek.e XVIII. Sipas shkrimeve të vitit 1912, kjo kështjellë ishte Venedikase. Në këtë kohë identiteti i ndërtuesve të saj ka qënë i qartë, pasi mbi hyrjen e kështjellës ishte pllakë emeruese të gdhendur me luanin e Shën Mark-ut, e cila tashmë ka humbur. Megjithatë analiza të gurit tregojnë se kjo pllakë është hequr jo më shumë se disa dekada më parë, gjë që përforcon teorinë e ndërtimit të keshtjellës nga Venedikasit.  Një tjetër arsyetim të cilin studiuesit japin për ndërtimin më të hershëm të kalasë është se, ndërtimi i kështjellës në pozicionin e saj, nuk do të kishte aspak sens strategjik, pasi do të ishte e pambrojtur ndaj një sulmi me top nga kodrat përballë, gjë që tregon se ajo është ndërtuar në një kohë kur këto armë nuk ishin shpikur akoma.

Në 1803, në kohën kur Ali Pasha i ofroi kështjellën dhe portin Marinës Mbretërore  kalaja kishte vetëm 4 ose 5 topa, gjë që nënkuptonte se Ali Pasha nuk e shihte fortesën aq të rëndësishme, François Pouqueville shkruante se: "Kulla ose fortesa qëndron në pikën jugore të hyrjes, e lidhur me kontinentin nga një istmus i ngushtë i ulët. Përbëhet nga një shesh me bastione, me disa armë, që nuk ka asnjë shërbim as për të komanduar hyrjen. ose për të mbrojtur anijet në spirancë. Pranë saj janë disa magazina, një doganë dhe një kishë greke”

Kalaja është ndërtuar mbi gadishullin e gjirit të vogël tektonik të Porto Palermos, në antikitet e njohur me emrin gjiri i Panormes. Ajo ndodhet mbi një ishull rreth 30 m larg bregut ku rripi i ngushtë ujor midis bregut dhe ishullit është mbushur me gurë për të realizuar një lidhje tokësore me të.

Kalaja ka formë planimetrike trekëndore me tre bastione të fuqishme nëpër qoshet. Përmasat e saj janë 150 m x 400 m dhe lartësia e mureve arrin në 20 m. Hyrja ndodhet në mesin e murit jugor. Nga ana e detit, midis dy bastioneve një sipërfaqe në formë trapezi është rrethuar me mure të pajisura me frëngji. Pjesa tjetër e kështjellës përbëhet nga një numër i madh ambientesh të mbuluara me qemerë, të cilat përfundojnë në pjesën e sipërme me një tarracë të përbashkët. Ambientet shërbenin për strehimin e garnizonit, ndërsa njëri prej tyre shërbente si burg.

Pas restaurimit  Ali Pasha e ka pasur nën kontrollin e tij këtë pikë, duke e përdorur atë shpesh vetëm si vizitor, ai nuk ka jetuar aty.

Kalaja është ndër më të vizituarat në Shqipëri, sidomos në stinën e verës.

Mënyra më e shpejtë për të arritur aty është me makinë vetëm disa minuta nga Himara ose Qeparo dhe rreth 45 minuta nga Saranda. Gjithashtu mund të përdoren minibus-et të cilat kryejnë rregullisht Rrugën Himare-Qeparo.

 

Kontakto

Çmimi

2€/person

Adresa

Ali Pasha Tepelena Fortress, Porto Palermo, Albania

Vlerësime

0

Ju duhet të hyni në llogarinë tuaj për të komentuar

ose