Kala

Kalaja e Petrelës, Tiranë

Vlerësime 0

 

Kalaja e Petrelës ndodhet në juglindje të qytetit të Tiranës. Ajo është ndërtuar mbi një kodër shkëmbore vazhdim i malësisë së Krrabës e cila ndahet nga fusha e Tiranës nga një sërë valëzimesh si dhe nga gryka të shumta të përshtatshme për kalim. Pikërisht këtu që në periudhat më të hershme kanë kaluar rrugë që kanë pasur rëndësi ushtarake por edhe ekonomike. Kalaja është zbulim mesjetar e ngritur pikërisht si sistem mbrojtës në kohën e sundimit të Perandorit Bizantin Justiniani i I-rë, në shekullin e VI-të  pas Krishtit. 

Kalaja e Petrelës është ngritur mbi një terren me shpate mjaft të pjerrëta e të thepisura, të cilat e kanë bërë kalanë shumë të mbrojtur. Ajo gjithashtu kontrollonte edhe degën e rrugës Egnatia, dega Durrës-Tiranë-Elbasan, e cila për kohën kishte rëndësi të veçantë.

Barleti e cilësonte kalanë e Petrelës si të papushtueshme, madje për të marrë atë Skënderbeu dërgoi një ushtri tepër të fuqishme. Ai na jep të dhëna edhe për kohën e ndërtimit të kalasë nga të parët e familjes së madhe Topia në fillim të shek. XIV-të në zonën që ndodhej midis Matit e Shkumbinit. Sot në një faqe të murit ruhet ende emblema e parë e Topiajve dhe në krahun verior të saj ruhen mbetje tullash, ndofta cisterne apo mbetje të ndërtimi më të hershëm. Ajo kishte një pozitë mjaft të favorshme gjeografike, pasi nga Petrela mund të shihej Kruja si dhe sistemi i fortifikimeve mbrojtëse përreth Durrësit, pjesë e të cilës ishte dhe vet Petrela.

Kalaja ka një sistem të dyfishtë fortifikues, kulla e parë përbëhet nga tre kate e dy prej tyre kanë shërbyer për luftim ndërsa kati i parë ka shërbyer si sterë për ujë me një lartësi të përgjithshme prej 18-20 m. Hyrja e vetme e kështjellës përbëhet nga një korridor i ngushtë e i shkurtër, ana lindore e jugore e shkëmbit bie thikë ndërsa ana veriore e tij ka një pjerrtësi prej 30-350. Pikërisht këtu nga ishte më e lehtë për të depërtuar në kala, është përqendruar dhe fortifikimi i saj. Pranë portës ndodhen rrënojat e një kullë vëzhgimi, ndërsa afër kullës lindore janë indetifikuar gjurmët e dy ambienteve që mund të kenë shërbyer për banim. 

Në brendësi të murit të periudhës antike që përmëndëm më lartë, ndodhet dhe një nymfe i po të njëjtës periudhë. Nga ai na është ruajtur vetëm baseni ujëmbledhës. Për ndërtimin e tij janë përdorur tulla të pjekura mirë, si dhe llaç hidroizolues që ka shërbyer për suvatim si dhe për ndërtimin e plotë të sterës.

Kalaja e Petrelës është shumë e vizituar nga turistë vendas e të huaj, ajo ofron pamje mahnitëse përreth saj duke vërejtur territorin e gjelbëruar, fushat si dhe lumin në këmbën e kodrës ku ajo është ndërtuar. 

Rreth e përqark kalasë në këtë kodër do të gjeni facilitete si bujtina e restorante mjaft të njohura nga Tiranasit, në shumicën e tyre ju provoni një kulinari të mrekullueshme të traditës së Tiranës. Ajo ofron diversitete në kulinari në çdo stinë të vitit e gjithashtu për të apasionuarit e sportit e ecjeve dhe eskursioneve është një pikë referimi.

Adresa

Kalaja e Petrelës, Petrelë, Përtica (Petrelë)

Vlerësime

0

Ju duhet të hyni në llogarinë tuaj për të komentuar

ose