Monumenti i Luftëtarit Kombëtar, Korçë

Monumenti i Luftëtarit Kombëtar ndodhet në qendër të qytetit të Korçës. Ai është një monument i trashëgimisë kulturore, i miratuar në janar të vitit 1963.

Ndryshe njihet si "Statuja e luftëtarit Kombëtar" e cila u ndërtua për patriotët korçarë, që morën pjesë për çlirimin e vendit nga pushtuesit osmanë, gjatë viteve 1906 - 1912.

Kjo vepër është e skulptorit të shquar shqiptar, Odhise Paskali. Luftëtari quhet Nexhip Benja (Hysaj), nga Benja e Këlcyrës, Përmet. Ai ka luftuar së bashku me çetën e Çerçiz Topullit, Mihal Gramenos, Hajredin Tremishti në luftën Kombëtare kundër turqve.