Manastiri i Shën Marenës, Pogradec

Manastiri i Shën Marenës ndodhet në veri të fshatit Llëngë, në Pogradec. Kisha është një monument i trashëgimisë kulturore, i llojit "Arkitekturë", i miratuar në tetor të vitit 1948.
Kisha ka pamje dominuese në majë të malit, mbi lumin Shkumbin. Ajo është një ndërtesë e vogël, me gjatësi afërsisht 8-12 m. Ikonostasi është prej druri dhe i gdhendur me motive luleje. Ai ka gjerësi 6 m dhe lartësi prej 4 m, i cili ndan edhe altarin nga pjesa qendrore e kishës. Kisha e Shën Marenës është e mbuluar me afreske në të gjithë pjesën e brendshme të saj, të punuara nga mjeshtri Kostandin Shpataraku.