Liqeni i Luleve

Liqeni i Luleve, i njohur edhe si Liqeni i Lurës, paraqet një mrekulli natyrore e vendosur në Parkun Kombëtar të Lurës, në lartësinë mbi 1600 metra të malit të Kurorës së Lurës. Ky liqen akullnajor është pjesë e një kompleksi të madh akullnajor, duke krijuar një pamje të mahnitshme dhe të veçantë për vizitorët.

Liqeni i Luleve shtrihet në një cirk të madh akullnajor dhe ka një sipërfaqe rreth 45 hektarë. Ai shquhet për ujin e tij të pastër, transparent si kristali dhe të ftohtë. Gjatë dimrit, ai ngrin në sipërfaqe, duke krijuar një pamje magjepsëse dhe duke shtuar një element të veçantë në peizazhin e Parkut Kombëtar të Lurës.

Ky liqen është i pasur me një botë të gjallë të larmishme, duke formuar një ekosistem tërheqës të liqeneve alpinë. Zambakët e mëdhenjë të bardhë janë një karakteristikë e veçantë e këtij vendi, duke çelur në muajin qershor dhe duke e transformuar atë në një lulishte me bukuri mahnitëse.

Vlerat shkencore të Liqenit të Luleve përfshijnë studimin e gjeologjisë, gjeomorfologjisë, hidrologjisë dhe biodiversitetit të kësaj zone. Estetika e peizazhit dhe bukuria e zambakëve bëjnë që ky vend të ketë  vlera  kulturore të rëndësishme.

Vizitorët mund ta eksplorojnë këtë mrekulli natyrore duke ndjekur rrugën rurale qyteti i Peshkopisë – Fushë Lurë. Udhetimi i tyre do të shoqërohet nga pamje të mahnitshme malore dhe një përjetim i veçantë i harmonisë së natyrës.