Kisha a Shën Thanasit, Dhërmi

Kisha e Shën Thanasit daton në vitin 1671 dhe është e pozicionuar në qendër të fshatit Dhërmi. Ndërtesa karakterizohet nga mure të rrafshta me kornizë të drejtë nën çati. Këndi i drejtë realizohet nëpërmjet dy rrasave të mbivendosura të gurit.

Në vitin 1963 kisha u shpall monument kulture me vendim të Rektoratit të Universitetit të Tiranës, që u mbështet edhe nga një vendim i Ministrisë së Arsimit dhe Kulturës në vitin 1967. Por, vetëm një vit më vonë Kisha e Shën Thanasit u hoq nga lista e monumenteve dhe në vitin 1969 ajo u shëmb dhe u rindërtua përsëri në vitin 2015.

Rindërtimi i Kishës së Shën Thanasit u mundësua nga Fondi Shqiptar i Zhvillimit i cili ka marrë në dorë rikualifikimin e fshatrave Vuno dhe Dhërmi.

Qëllimi i këtyre ndërhyrjeve është që jugu të kthehet në destinacion turizmi jo vetëm për detin, por edhe për trashëgiminë historike dhe kulturore.