Pallati i Kongreseve, Tiranë

Pallati i Kongreseve ndodhet në Bulevardin Dëshmorët e Kombit, në Tiranë. Pallati u projektua në fillim të viteve 80, ndërsa punimet për ndërtimin e tij zgjatën katër vite 1982-1986.  Konstruksioni i ndërtesës është frymëzuar nga ndërtesa tradicionale e Gjirokastrës,  Beratit dhe kulla e veriut të Shqipërisë. Pallati  i Kongreseve është me gjatësi 70 me dhe me lartësi 18-23 m. Kapaciteti i sallës kryesore ka një kapacitet prej 2100 vendesh.

Pallati përbëhet edhe nga tre salla më të vogla, të dizenjuara si ambiente: për takime pune, mbledhje, forume apo ngjarje të tjera si këto. Në Pallatin e Kongreseve zhvillohen festivale, konferenca, panaire tregtare, ceremoni, koncerte dhe ngjarje të tjera.