Lidhja e Shkrimtarëve dhe Artistëve të Shqipërisë, LSHA

Lidhja e Shkrimtarëve dhe Artistëve të Shqipërisë është organizatë jofitimprurëse e krijuar nga një grup shkrimtarësh e artistësh shqiptarë. Lidhja e Shkrimtarëve u krijua më 7 tetor të vitit 1945, ndërsa Lidhja e Artistëve në vitin 1949.

Më 1957 këto dy organizata u bashkuan në një institucion të vetëm: në Lidhjen e Shkrimtarëve dhe Artistëve të Shqipërisë. Lidhja e Shkrimtarëve dhe Artistëve të Shqipërisë është organizatë krijuesish, me qendër në Tiranë, që përmbledh shkrimtarë, kompozitorë, artistë, krijues të arteve figurative dhe kritikë të vlerave letrare e artistike. Sot LSHA ka rreth 1300 anëtarë. Organet e saj drejtuese janë: Kongresi Kombëtar, Kryesia, Kryetari dhe Këshilli Administrativ.