Lëndina e lotëve, Korçë

Lëndina e lotëve gjendet në Korçë, rrugës që të çon për në Bilisht. Kjo lëndinë ka një histori prekëse për shumë e shumë të rinj, që largoheshin mes lotësh e dhimbjesh nga të dashurit, fëmijët apo familjet e tyre për një jetë më të mirë.

Për shumë breza me radhë nga kjo lëndinë lotësh, njerëzit shikonin me hidhërim landonet apo karrocat, qiraxhinjtë me kafshët e tyre, karvanet e kurbetit, siç i quanin atëherë që rrëmbenin nga gjiri i vatrave të qytetit dhe fshatit qindra e mijëra të rinj, për t’i larguar nga familjet dhe vendi për të shitur forcën e krahut gjetkë.