Guri i Gjatë, Urxuall

Në afërsi të fshatit Urxuall, në komunën Derjan të rrethit të Matit, gjeni një peizazh të mrekullueshëm me një formacion guri ranor dhe konglomeratik unik, i njohur si Guri i gjatë.

Ky gur, i cili ndodhet 600 metra mbi nivelin e detit, shquhet për formën e tij të veçantë në shpatin e malit, me një gjatesi prej mbi 20 metra dhe një gjërësi 10-15 metra. Nga larg ky gur ngjan me portretin e heroit kombetar Gjergj Kastriot Skenderbeu. Ju mund ta vizitoni këtë vend duke udhëtuar nëpër rrugën rurale Shoshaj (Burrel) – Derjan – Urxuall.