Pusi i Xhek Markut ndodhet në fshatin Bogë, në pllajën e Bridashës, 1800 m mbi nivelin e detit. Ka marrë emrin e një banori të rrëzuar aty mbi 80 vite më parë. Përbëhet nga një pus karstik, me thellësi rreth-234 m. Hyrja e tij është me diametër prej 5 m, me thellësi që shkon deri në -15 m, ku shfaqen dy puse, që zbresin deri në thellësinë -104 m. Gjithashtu gjenden: disa degëzime anësore, ende të paeksploruara, rrëzime, dëbore dhe akulli fosil, ndoshta kuaternar. Për të vizituar Pusin e Xhek Markut ndiqet rruga Koplik-Bogë-rruga këmbësore ne Bridashë.