Shkalla e Tujanit

Shkalla e Tujanit ndodhet në luginën e lumit të Tiranës. Shkalla ka formën e një kanioni interesant. Në shpatet e thepisura të tij gjenden guva, shpella karstike që e bëjnë edhe një ekosistem karstik.
Që në periudhën e antikitetit përgjatë Shkallës së Tujanit, ka kaluar rruga me rëndësi të madhe për të gjithë Shqipërinë Qendrore që lidhte: Durrësin e Tiranën me Dibrën e Madhe dhe më tej me brendësinë e Ballkanit. Ky monument mbetet për tu vizituar nga të gjithë ata turistë, që janë dashamirës të ngjitjeve alpiniste në shpatet e pjerrëta si dhe në eksplorimin e shpellave.