Liqeni i Pezë Helmes ndodhet në fshatin me të njëjtin emër, në Pezëhelmas të Tiranës. Liqeni është i rrethuar nga të gjitha anët me kodra, që dikur kanë qenë të tarracuara.
Ai ka një sipërfaqe prej 0.1 km² dhe thellësi mesatare, prej 2.5 m. Liqeni i Pezëhelmesit mbetet një vend i bukur për tu relaksuar në ajrin e pastër, për ecje në shtigjet rreth liqenit, për piknik me familjen duke u argëtuar me fëmijët dhe për tu zbavitur apo kalitur durimin duke peshkuar. Për të shijuar pamjen e bukur të liqenit dhe natyrës përreth tij, ndiqet rruga e vjetër Tiranë-Durrës e Ndroqit, vetëm 20 minuta larg kryeqytetit.