Fshati Petrelë

Petrela ndodhet 12 km në juglindje të kryeqytetit, të Tiranës. Petrela kufizohet në lindje me Dajtin, në jug me Bërzhitën, në perëndim me Baldushkun dhe në veri me Farkën. Fshatrat e saj shtrihen në të dy anët e luginës skenik të Erzenit.

Zona e Petrelës karakterizohet nga natyrë, me një klimë tipike mesdhetare. Kjo zonë ka një biodiversitet të pasur: me fusha, kodra dhe lugina. Një ndër atraksionet më të vizituara është Kalaja e Petrelës, me një histori të pasur që daton në shek.VI para Krishtit. Gjithashtu në Petrelë gjendet edhe: Tyrbja e Nuses, Vendbanimi antik i Përsqopit dhe Lapidari i Petrelës.

Janë të shumtë pushuesit që preferojnë gjatë verës, të bëjnë banjo dielli dhe të freskohen në ujërat e lumit Erzen, ku nuk mungojnë edhe aktivitetet e tjera ujore. Petrela mbetet për tu vizituar për natyrën e mrekullueshme, për historinë e kalasë së saj, për resortet turistike të cilat janë vendosur përgjatë lumit, ku në fundjavë mbushen plot me turistë vendas dhe jo vetëm.