Përroi i Thatë

Përroi i Thatë shtrihet në anën perëndimore të Alpeve Shqiptare. Përroi është afluent i liqenit të Shkodrës, me gjatësi 44.5 km dhe me sipërfaqe të pellgut ujëmbledhës, 233 km2. Ai është i ndërtuar prej gëlqerorësh dhe dolomitësh të karstëzuar duke formuar luginën mjaft karakteristike. Ka marrë emrin "Përroi i thatë" prej rrjedhjeve sipërfaqësore vetëm gjatë periudhës së të plotave. Ndërsa në pjesën më të madhe të vitit shtrati i tij është i thatë dhe ujërat shkarkohen në liqenin e Shkodrës, kryesisht nëpërmjet rrugës nëntokësore.