Liqeni i Prushit ndodhet në fshatin me të njëjtin emër, në Prush të Tiranës. Ai është një liqen artificial, i pozicionuar në një ambient të rrethuar me kodra të pyllëzuara me pisha.
Liqeni nuk është shumë i madh, por të ofron një pamje shumë relaksuese. Aty të duket sikur je në një oaz bimësie, midis pishave. Liqeni i Prushit mbetet një destinacion që mund të vizitohet në fundjavë, për bukurinë e natyrës, për ajrin e pastër dhe për ecje në shtigjet që ka rrotull. Largësia nga Tirana për te liqeni është vetëm 12 km dhe ndiqet rruga në drejtim të Vaqarit.