Kanioni i Grunasit

Kanioni i Grunasit gjendet në pjesën jugore të parkut të fshatit Theth. Kanioni është monument natyre, në lartësinë prej 700 m mbi nivelin e detit, në Shalë. I formuar nga lumi i Thethit dhe nga karsti në shkëmbinjtë gëlqerorë, Kanioni është me gjatësi rreth 1.8 km, me thellësi 40-60 m dhe me gjerësi rreth 4-6 m.   

Kanioni ka një bukuri të pakrahasueshme ku gjatë gjithë kohës ka ujë të mjaftueshëm për të apasionuarit e lundrimit me kanoe.

Uji i lumit të Thethit është i kristaltë në çdo kohë dhe mjaft i ftohtë. Kanioni i Grunasit mbetet  një sfidë për të gjithë turistët e huaj dhe ata shqiptarë të apasionuar pas kanioneve. Për të vizituar Kanioni e Grunasit, ndiqet rruga rurale Shkodër-Breglum.