Natyrë

Guri i Shenjtë, Pukë

Vlerësime 0

Guri i Shenjtë ndodhet afër fshatit Zezaj, 538 m mbi nivelin e detit. Ai është një gur graniti me formë shumëkëndëshi. Legjenda e tij e lidh me Skënderbeun. Disa gojëdhëna të tjera e lidhin Gurin e Shën Palit edhe me heroin tonë kombëtar, Gjergj Kastriotin, që rrëfejnë se kur Osmanët pushtuan Arbërinë, Gjergj Kastrioti me ushtrinë e tij, pas një lufte kundër tyre, pushoi tek ky gur.

Çfarë është me rëndësi, është se ky gur është ruajtur si i shenjtë ndër pukjanë për dhjetra shekuj. Lidhet ngushtë me shpirtin e banorëve, autoktoninë, dashurinë për atdhe dhe besimin e tyre. Guri i Shenjtë për tu vizituar ndiqet rruga rurale Pukë - Zezaj.