Gërmenj-Shelegur

Gërmenj-Shelegur ndodhet midis Radanjit dhe Gërmenjit, 25 km drejt rrugës për në Leskovik. Është një zonë ndërkufitare shumë e bukur, në jugperëndim të Ersekës.

Këtu harmonizohen malet me luginat e thella, ligatinat, përrenjtë e rrëmbyer e sidomos pyje të dendur të përzier si: bredhi e lisi dhe kryesisht pisha e zezë.

Kjo zonë është e përshtatshme me plot vende ideale, për të zbuluar natyrën me shëtitje të gjata, piknikë e ngjitje në mal. Rezervati natyror Gërmenj-Shelegur mbetet një destinacion i natyrës shqiptare i cili ofron bukuri të pafundme, në çdo stinë të vitit.