Liqeni i Farkës

Liqeni i Farkës ndodhet në pjesën jugore dhe jugperëndimore të qytetit të Tiranës. Terreni përreth Liqenit të Farkës shtrihet në një sipërfaqe prej 11.000 m2 dhe me gjatësi prej 760 m linearë. Uji i liqenit vjen nga përroi i Farkës, i cili buron në cepin verilindor të tij, me një sipërfaqe prej 75 ha. Liqeni ndodhet në zemër të Farkës, i rrethuar me një pedonale moderne, ku njerëzit mund të ecin me kilometra rreth tij dhe të shijojnë panoramën e qetë. Në stolat e vendosura pranë tij mund të shplodhesh dhe të sodishësh pamjen e bukur të liqenit.