Muze

Muzeu Historik Kombëtar

Vlerësime 0

Muzeu Historik Kombëtar ndodhet në qendër të kryeqytetit të Shqipërisë, Tiranës. Muzeu synon të nxisë mirëkuptimin dhe vlerësimin e historisë së Shqipërisë tek publiku vendor, kombëtar dhe ndërkombëtar dhe të inkurajojë dialogun midis qytetarëve, mbi të kaluarën, të tashmen dhe të ardhmen shqiptare.

Për këtë qëllim: ai përfton, ruan dhe studion, provat materiale dhe jo materiale të trashëgimisë historike dhe kulturore të Shqipërisë, të cilat i komunikon dhe i paraqet në një mjedis, që nxit edukimin dhe argëtimin. Ai organizon dhe mundëson gjithashtu aktivitetet, të cilat përkrahin vizionin dhe misionin e tij. “Muzeu Historik Kombëtar” u përurua më 28 tetor 1981 dhe është institucioni muzeor më i madh në Shqipëri.

Godina e “Muzeut Historik Kombëtar” zë një sipërfaqe të përgjithshme prej 27.000 m2 dhe ka sipërfaqe ekspozimi prej 18.000 m2 dhe një vëllim të përgjithshëm prej 81.000 m3.Në mjediset e muzeut gjenden rreth 6200 objekte, të cilat i përkasin një periudhe relativisht të gjatë kohore duke filluar nga mijëvjeçari IV para Krishtit dhe deri në gjysmën e dytë të shek.XX.

Janë rreth 3100 objekte të ekspozuara. Pjesa tjetër e objekteve janë në fonde. Aktualisht, Muzeu Historik Kombëtar ka shtatë pavijone: antikiteti me 585 objekte; mesjeta me 217 objekte, ikonografia me 90 objekte, nga të cilat 70 janë ikona dhe 20 objekte kishtare liturgjike, Rilindja Kombëtare me 230 objekte, Pavarësia me 142 objekte, e kështu me radhë. Muzeu Historik Kombëtar është një institucion kërkimor shkencor. Përveç pavioneve, muzeu ka edhe ambiente arkivore dhe laboratorike, salla ekspozitash të përkohshme dhe salla konferencash.

Book your vacations

Adresa

National Historical Museum, Skanderbeg Square, Njësia Bashkiake Nr. 10

Vlerësime

0

Ju duhet të hyni në llogarinë tuaj për të komentuar

ose